شعر مصري حصري - علي منتدى مصر الوطن

شعر مصري حصري

اقتباس :: ظهرت مؤخرا على الساحه
بعض الأشعار المصرية الجديدة المضحكه
تعالو نشوفو ونقرا ونضحك

يا جارحنى بلقمة ناشفة و العيش عندك طرى
تقلان عليا ليه ارحمنى يا مفترى

طلعت فوق السطوح هز الهوا كمى
كل العيال اتجوزوا و انا لسة جنب أمي

يا حبشتكة يا حبشتكة القلب من الحب اشتكى
يوم دمع وحزن ويوم فرح و هشتكة

كان بينا شوق و محبة راحت بلوية بوزك
الله يحرق المحبة و يحرق اللى يعوزك

اللى يشوفك يفت*** فارس ف ساحته
ميعرفش انك حتى الشراب شاحته

يا روش و آخر روشنة .. يا طبيعى من غير تنشنة
عيش عالناس كلها و متعشّ عليا انا

يا متلقّح جوا ف قلبى وانا
قلبى مش متين
من حبك جالى سكر
ادينى انسولين

حبيبى يا مدلع
حبك عندى مولع
نفسى اخدك و نخلع
ونسيب الشغل يولع

حبيبى طالع فيها فاكرنى ح دلعه
ياما نفسى يدينى ظهره وعلى أفاه حلسعه

قطعني حتة حتة وأرميني لأي قطة
أنا كنت بأحب واحد دلوقتي بأحب ستة

حبيبي قالي بحبك قلتله أتنيل
دا الحب في القلب مش في التليفون يامنيل

الهس بس هس ... هوا لازم يحس
هوا عمال بيتخن أنا عمال أخس

ياللي وريت الفؤاد أيام أليمة
روح أنت والفؤاد عالجزمة القديمة

الحلو حلو ولو
لسه صاحي من النوم
والمعفن معفن ولو غسل
وشوه كل يوم

حبيبي للي بحبه قلتله أتنيل
جربتك في الحب و طلعت أكبر عيل

يادابحني برمشك على سهوه
دوبلي صباعك في الأهوة
عجبني ...

ياريت تكونوا ضحكتوا .... ايه رأيكم فيهم ...
هاااايلين مش كده ... ههههههههههههه

» اجمل شعر مصري سمعته- علي منتدى مصر الوطن
» اجمل شعر مصري سمعته- علي منتدى مصر الوطن
» شعر رومانسي كوميدي مصري - علي منتدى مصر الوطن
» شعر مصري يموت من الضحك ههههههه- علي منتدى مصر الوطن
» شعر عن حب الوطن مصر - علي منتدى مصر الوطن